كلمة..!!

[angelic_doc]

أقول كلمة؟؟؟!!

:

أخواننا الكرام.... أخواتنا الكريمات

:

ممكن نوقف وقفة واحدة و بلاش نكون (جماعتي) الوحيدين اللي بنشتغل؟؟؟

ممكن تقوموا معانا و تفرزوا أسئلة المواد اللي حضراتكم ماخدين الـ rotation حقها حاليا؟؟

ماتوقع إنه حنوصل لآخر السنة و ما سار شي...!!

ولا أتوقع دفعة بكبرها تقول "ما أقدر"

ولا أتوقع إنكم/أي أحد ... يبغانا نشتغل لآخر السنة و نرتب كل شي و نحمل كل شي على رؤوسنا...

و نوصل لآخر rotation ... و ما حظينا لا بوقت للدراسة ولا بوقت للراحة.. ولا غيره ..!!

بسبب "الدفعة الغير متعاونة" بشهادة الكثير.. حتى من خارج دفعتنا

:

شفت ردود تثلج الصدور سابقا... بس ما شفت أي نتايج..!!

ممكن نعرف السبب؟؟!!

:

No Pain, No Gain

:

أحد يختلف معايا في الرأي؟؟؟!!!!!!!!!

ولا نوقف الشغل مرة وحدة و الـ MED 04 خلاص ماله أي لزمة؟؟!!!

:

الكلام أحب دايما أقوله للكل عشان ما أبغى أخص أي أحد بيه

و بدون زعل

:

دا ممكن يكون آخر عهد بيننا

ممكن نعمل سوا؟؟!!

^
^
^

[queen of the ice]

إيوه ياإنجي أنا معاكي في كل كلمه

شي سيء جدا إنك تحس نفسك مُستغل من قبل بعض الناس بدون مايبذلوا هم أقل مجهود

وهذا الكلام موجه للبنات والأولاد جميعا

يعني لو تعرفوا قد إيه تعبنا على شغل الإم سي كيوز حق البيديا وقد إيه كل واحد من مجموعتنا بيتعب وييضحي بوقتو عشان يفيد الجميع

ودحين برضو شغالين على أسئلة الأوبي وحتى الessays برضو في بنات بيشتغلو عليها
ولو تعرفوا قد إيه أجلس أتحايل على بنات حتى من برا المنتدى عشان يشتغلوا معانا

وفي النهايه مافي أحد بيشتغل غيرنا

جاي على بالي مره أشوف شي أو كلام مفيد أي شي من الناس إللي في الروتيشنات التانيه

والله شي مره مؤسف

وإللي قاهرني إنو حتى لما قلنا نعمل شغل حق الأوبي كل واحد شال يدو ومشي

طيب الناس إللي جالسه تشتغل دي مو برضو خلق وعالم

الشي إللي قاهرني كمان بشكل شخصي إنو أيام الفاينال في خامس مافي أحد طلب مني شي بشكل شخصي وإلا وساعدتو على قد ماأقدر -وهذا ليس من وإنما طفح الكيل - رغم إني وقتها بأكون زيي زيكم وأبغى أذاكر لكن بأقول يجي يوم ويقدموا هم شي
ودحين كل ماأطلب من بنت تمسك بس موضوع واحد في شغل الأوبي تقوللي لا معليش أنا أبغى أذاكر
ليه ووقت لما كانوا يطلبو مني أيام الفاينال والبوستنج أشياء وأجلس زي ال .............. أرفعها لهم وأرسلها وتجيهم بارد مبرد ماكان وقتها أنا كمان بأذاكر - وبعظمة لسانهم بيعترفوا إني فكيتلهم أزمات وكلو على حساب وقتي ....وهادا الكلام مو بس أنا بأعملو حتى إنجي دايما ماشاء الله أيام الفاينال بتوصل للبنات كل شي

شي مؤسف جدا إنك تؤثر الناس حتى على نفسك وفي النهايه تلاقي منهم كل هادي الأنانيه
========================



عذرا إن كان الكلام في شي من العصبيه إو زودت العيار بس حطوا نفسكم مكاننا

[doctor_ology]

اخواتي الفاضلات انجي وكوينة
ان كنتو تقصدو قروبي >> واكيد احنا لانكم بعدنا ع طول
بس نجي للحق
اقرو امسيكيو الاوبي وشوفو ان لقيتو امسيكيو اصلن
كلها سؤال وتحتو الاجابة على طول
>> اتمنى تكونو فهمتو وجهة نظري
لكم خالص التحية ....... اولو
.........

[Silver Wings]

ابدؤوا بالسلام ...


السلام عليكم.


من ناحيتي
سبق و عرض خدماتي كشخص أيام النسا و قلت : أعطوني تعليمات.
و ما وصلني شيء كـ شخص.


من جهة "دفعة كاملة مشغولة"
أنا لست في موضع دفاع عن الدفعة كوني ما أعرف ناس فيها.
لكن ... هل جربت تنادي (مستر إكس) ؟


أنا تعلمت في حياتي أن أتوقف عن انتظار مبادرات الآخرين.
آنجي، انت بادري و كلمي.

أنا لا أريد تسلم عصا قيادة في هذا الموضوع.
مش إنكاراً له، لكن عندي همومي.
لكن مرة أخرى : كـ عضو مساهم تحت ليدر ما، فأهلاً و سهلاً ... ما عندي مانع.


قلت أنك قرات ردود ثلجية سابقاً .. لكن بدون نتائج.
السبب : مافي ليدرز يتولوا الموضوع + مافي خطة.

حلي المشكلة الأولى، و هم رح يحلوا المشكلة الثانية.
وقتها من حقنا نزعل كلنا .


و الله أعلم.

______________

كوين، من فرّج عن مسلم كربة من كرب الدنيا فرّج الله عنه كربة من كرب يوم القيامة.

still، لك أن تغضبي إذ أن مبادراتك لم تؤثر في نفسيات الجماعة حولك.
لكن هذي هي الدنيا ... خيراً تعمل شرّاً تلقى ....

حاولي تمسكي واحدة من الآنسات و تخليها تتبنى فكر الإنتاج و العطاء
من يدري ....



الله يعين الجميع

[angelic_doc]

اقتباس المشاركة الأصلية كتبت بواسطة doctor_ology اخواتي الفاضلات انجي وكوينة ان كنتو تقصدو قروبي >> واكيد احنا لانكم بعدنا ع طول بس نجي للحق اقرو امسيكيو الاوبي وشوفو ان لقيتو امسيكيو اصلن كلها سؤال وتحتو الاجابة على طول >> اتمنى تكونو فهمتو وجهة نظري لكم خالص التحية ....... اولو .........

بالنسبة ليا... أنا قلت أحبب أعمم...!!

و تاني شي, مو لازم يكون قصدي على الـ OB ...

الـ MCQs حتى قاعدة تنحل مع الـ consultants ...

:

لكن برضه عندنا مواد تانية....

:

عموما... دا ما كان موضوع نقاش..

هو مجرد رد ليا خرجته من موضوع التجمع لهنا لأنه لازم يسير شي في الموضوع..!!

:

اقتباس المشاركة الأصلية كتبت بواسطة Silver Wings السلام عليكم. من جهة "دفعة كاملة مشغولة" أنا لست في موضع دفاع عن الدفعة كوني ما أعرف ناس فيها. لكن ... هل جربت تنادي (مستر إكس) ؟ أنا تعلمت في حياتي أن أتوقف عن انتظار مبادرات الآخرين. آنجي، انت بادري و كلمي. أنا لا أريد تسلم عصا قيادة في هذا الموضوع. مش إنكاراً له، لكن عندي همومي. لكن مرة أخرى : كـ عضو مساهم تحت ليدر ما، فأهلاً و سهلاً ... ما عندي مانع. قلت أنك قرات ردود ثلجية سابقاً .. لكن بدون نتائج. السبب : مافي ليدرز يتولوا الموضوع + مافي خطة. حلي المشكلة الأولى، و هم رح يحلوا المشكلة الثانية. وقتها من حقنا نزعل كلنا . و الله أعلم.

و عليكم السلام...

:

أنا ناديت من أول.. و حتى فيه ناس اتطوعوا يكونوا الـ Leaders... مش إنه لسة مافش leaders

حتى الخطة ما سبناها و عرضنا الفكرة...!!!

ما أقدر ألوم أحد و أمسك الناس "ليش ما سويتوا؟ و ليش ما فعلتوا؟"

لكن مجرد إنها كانت كلمة في نفسي...

و لا حتى كان في بالي اتناقش..

مجرد كلمة لأننا لسة في بداية rotation جديد..

و ممكن البعض wanna make a difference ..!!

:

اقتباس الشي إللي قاهرني كمان بشكل شخصي إنو أيام الفاينال في خامس مافي أحد طلب مني شي بشكل شخصي وإلا وساعدتو على قد ماأقدر -وهذا ليس من وإنما طفح الكيل - رغم إني وقتها بأكون زيي زيكم وأبغى أذاكر لكن بأقول يجي يوم ويقدموا هم شي ودحين كل ماأطلب من بنت تمسك بس موضوع واحد في شغل الأوبي تقوللي لا معليش أنا أبغى أذاكر ليه ووقت لما كانوا يطلبو مني أيام الفاينال والبوستنج أشياء وأجلس زي ال .............. أرفعها لهم وأرسلها وتجيهم بارد مبرد ماكان وقتها أنا كمان بأذاكر - وبعظمة لسانهم بيعترفوا إني فكيتلهم أزمات وكلو على حساب وقتي ....وهادا الكلام مو بس أنا بأعملو حتى إنجي دايما ماشاء الله أيام الفاينال بتوصل للبنات كل شي

يا عسل...

تعرفي شي؟؟ لو أيش يسير لي, أنا ما أتوب إلا و أكمل مشواري...

اتعودت أكون معطاء... محامنع شي عن أحد

لكن الوضع لا يتطور و يسير abuse .. زي اللي كل مرة بيسير معايا و يجيب لي اكتئااااااب...

ترا من جد abuse ... يعن اتخيلي تقدمي مساعدة لأحد تروحي تلقي شتم..!!

ولا لمن تمرضي ولا عندك أي ظرف و ما وصل مبتغاهم, يعني إنك مقصرة..!! <<< هو أصلا مو واجب

اللي في بالي أولا و أخيرا إنه الشي دا اللي بسويه, أنا بسويه عن inner interest

و ممكن دعاء بعض الناس ليا يكون له أثر في توفيقي...

فلا تزعلي نفسِك.. خليكِ زي ما إنتِ.. و سوي الشي دا لربنا...

:

مرة تانية...

ما كان غرضي النقاش...

مجرد دعوة للتعاون (جات بعصبية من الهم اللي إحنا شايلينه, اعذروني)

:

as

when there's no PAIN, there's no GAIN

can we work now??

[Silver Wings]

اقتباس حتى فيه ناس اتطوعوا يكونوا الـ leaders

مين هم ؟
(مين منهم داخل المنتدى ؟)

اقتباس و ممكن البعض wanna make a difference ..!!

جيراننا أكثر ناس يتحمسو لو قلتي لهم الكلمة السحرية دي : )
هل عملوا شيء بالنسبة للنسا؟ جمعوا أسئلة الاختبار الماضي؟

اقتباس ما كان غرضي النقاش... مجرد دعوة للتعاون (جات بعصبية من الهم اللي إحنا شايلينه, اعذروني)

سلمكم الله من الهم و الغم و العصبية

[angelic_doc]

قررت شي جديد..!!

check over here

for all 4 groups, announcement 001

+

إحنا في موضوع مقايضة مع الجيران

[ابو يحيى]

اقتباس ممكن نوقف وقفة واحدة و بلاش نكون (جماعتي) الوحيدين اللي بنشتغل؟؟؟

انتي قلتيها يادكتورة (جماعتي ) يعني انتم كذا طالبة تقدروا تقسموا الشعغل بينكم وكل وحدة تحمس الثانية لكن لما تكوني في روتيشن مافي غيرك بيشتغل ايش راح تسوي .........وبرغم ذلك تسعى وتدور ناس تشتغل معاك ويمكن تلاقي وممكن ما تلاقي .....

[Dr.2rki]

انا ابغى افهم حاجة بسيطة



هل المجموعة العلمية med 04 هي لدفعة سادسة


يعني مثلا , انا لي حدود 3 شهور في سادس وماني عارف ان في قروب خاص بس لسادسة
وبالصدفة بس والله دخلت ولقيت المواضيع كلها عن سادس ,,,

بس ابغا اقهم ايش العلاقة بين med 04 وسادس مش المفروض تكون 6th year 2008 ???

[angelic_doc]

اقتباس المشاركة الأصلية كتبت بواسطة ابو يحيى انتي قلتيها يادكتورة (جماعتي ) يعني انتم كذا طالبة تقدروا تقسموا الشعغل بينكم وكل وحدة تحمس الثانية لكن لما تكوني في روتيشن مافي غيرك بيشتغل ايش راح تسوي .........وبرغم ذلك تسعى وتدور ناس تشتغل معاك ويمكن تلاقي وممكن ما تلاقي .....

إحنا في الأصل بس كم وحدة..

بالكتير يمكن 5%

لكن أقررنا بالدكتاتورية أمس و فجأة..

و الله يسهل..

:

على قدر الإمكان نحاول نبذل جهدنا

لأنه من جد حرام كم واحد شتغل و الباقي بس يبغى ياخد, و حتى بالغصب..

دا اسمه abuse

اقتباس المشاركة الأصلية كتبت بواسطة WilD HearT انا ابغى افهم حاجة بسيطة هل المجموعة العلمية med 04 هي لدفعة سادسة يعني مثلا , انا لي حدود 3 شهور في سادس وماني عارف ان في قروب خاص بس لسادسة وبالصدفة بس والله دخلت ولقيت المواضيع كلها عن سادس ,,, بس ابغا اقهم ايش العلاقة بين med 04 وسادس مش المفروض تكون 6th year 2008 ???

المجموعة العلمية دي,هيا نفسها اللي لمن دعيتكم ليها كان اسمها ExTeRnS أو شي كدا..

يمكن الساحة هيا اللي اتفتحت متأخر بعد ما غيرنا الاسم.. بس أنا كتبت في رسايل المجموعة العلمية إنه "تعالوا هنا"

:

عموما حصل خير...

و إن شاء الله تستفيد من المجموعة (الساحة) في الفترة الحالية و المقبلة

:

MED 04 = سنة دخولنا الجامعة 2004

ليش مو 6th year 2008 ؟؟

عشان المجموعة حتستمر للـ internship و ما يليه... بإذن الله

:

يلا.. انتقلوا للموضوع التاني..

http://mksforum.net/forum/showthread.php?t=12555